Eliminimi i Barcelonës në Champions, Araujo bën “Mea Culpa”: Futbolli po më godet shumë

Ronald Araujo u ndëshkua me karton të kuq ndaj PSG, në mbrëmjen e së martës, duke lënë Barcelonën me një lojtar më pak. Mbrojtësi uruguaian ka reaguar për herë të parë pas eliminimit të katalanasve,  duke falënderuar të gjithë ata që i kanë qëndruar pranë.

“Futbolli që më dha kaq shumë gëzim, tani më godet shumë. Falënderoj të gjithë ata që janë pa kushte pranë meje, shokët e skuadrës që lanë gjithçka në fushë dhe tifozët që besuan në këtë ekip deri në fund. Na vjen keq që nuk u japim atyre këtë gëzim, Ne do të përpiqemi përsëri për Barçan!”, ka shkruar ai në Instagram.