Kanye në telashe me ligjin!Dyshohet se dhunoi një person, shkak u bë Bianca
Kanye West raportohet se po përballet me akuza në Los Angeles. Reperi amerikan dyshohet se ka goditur me grusht në fytyrë një burrë pasi ai tentoi të ngacmonte gruan e tij dhe ish-modelen Yeezy, Bianca Censori. Sipas mediave, reperi aktualisht është nën hetim si i dyshuar për këtë rast dhe tani policia po shqyrton pretendimet e ngritura ndaj tij.
“Bianca u sulmua fizikisht”-tha një përfaqësues i Kanye për median.
Është raportuar se 46-vjeçari u përfshi në një konflikt me një burrë që tentoi të ‘rrëmbente’ gruan e Ye. Ngjarja besohet të ketë ndodhur të martën në mbrëmje në West Hollywood, dhe burri thuhet se është goditur disa herë.
“Agresori i vuri duart në fustanin e saj, direkt në trupin e saj, e kapi për belin, e rrotulloi rreth e rrotull dhe më pas tentoi ta puthte. Ajo u sulmua seksualisht”, shtoi përfaqësuesi.
Burime policore thanë për TMZ se ngjarja është aktualisht nën hetim nga të dyja palët. Ye dhe Bianca thuhet se u larguan nga vendi i ngjarjes pas incidentit. Burri që u godit me grusht nuk kishte nevojë për trajtim për lëndime apo vizitë në spital.
