Gjykata e Apelit në Nju Jork rrëzon dënimet e producentit Harvey Weinstein për krime seksuale, kërkon rigjykim
Gjykata e Apelit në Nju Jork përmbysi dënimin për krime seksuale seksuale kundër Harvey Weinstein, producentit të fuqishëm të Hollivudit, i cili u akuzua në vazhdën e lëvizjes së njohur si “#MeToo”.
Këtë të enjte gjykata urdhëroi një gjykim të ri për Weinstein.
“Ne dalim në përfundim se gjykata gabimisht pranoi dëshminë e akteve të mëparshme seksuale të supozuara kundër personave të ndryshëm nga ankuesit e krimeve themelore, sepse ajo dëshmi nuk i shërbeu asnjë qëllimi material”, thuhet në vendim.
Megjithatë, Weinstein nuk është një njeri i lirë. Vitin e kaluar, ai u dënua në Los Anxhelos me 16 vjet burg për akuzat e përdhunimit dhe sulmit seksual.
CNN kontaktoi të enjten me avokatin e Weinstein, Arthur Aidala dhe Prokurorin e Qarkut të Manhattan, Alvin Bragg për koment, por nuk mori ende një përgjigje..
AlbaniaWeb.net
