“Grykë zjarri që lëkurën tonë nuk ia kemi kursyer”, Rama në mbledhjen e jashtëzakonshme: SPAK-un e kemi furnizuar me ‘municione’, por korrupsioni…
Po mbahet sot mbledhja e jashtëzakonshme e Edi Ramës me kabinetin e tij.
Ai është ndalur edhe te puna e SPAK, duke thënë:
“Ka një fakt në këtë mes, pikërisht pse e kemi me të vërtetë këtë luftë, nuk e kemi mbajtur lëkurën tonë larg zjarrit të saj. I kemi hapur rrugë krijimit të një gryke zjarri të re, prokurorisë dhe gjykatës speciale, por dhe ia kemi hequr vetes tani me vullnet të pagjendur më parë çdo mundësi kontrolli politik të goditjeve të asaj gryke zjarri.
Le të thotë ç’të doje kushdo që nuk do ta pranojë, por sot drejtësia vepron mbi pushtetin politik, e pavarur nga pushteti politik. I kemi hapur rrugë dhe furnizim special me municione, i kemi vendosur në dispozicion një hapësirë ligjore të qepur enkas për këtë, por dhe një buxhet pagash që askund në Europë është mbi hierarkinë shtetërore.
Qëndrojnë në majë të piramidës. Por ende as forca jonë nuk e ka fituar luftën për pastrimin e korrupsioni. Edhe brenda partisë sonë mbetet ende shumë punë”, tha Rama.
AlbaniaWeb.net
