Ngjashmëri “e frikshme”/ Timothée nderohet me skulpturë prej dylli
Aktori i njohur Timothée Chalamet mori figurën e tij të parë prej dylli nga Madame Tussauds në Londër. Skulptura e yllit 28-vjeçar do të ekspozohet për herë të parë në muze të premten.
Figura e dyllit i shtohet atraksionit të muzeut menjëherë pas publikimit të filmit të tij të fundit ‘Dune: Part Two’. Për figurën, Madame Tussauds zgjodhi pamjen zyrtare të Timothée nga premiera e Dune në Londër në vitin 2021.
Ngjashmëria mes skulpturës dhe aktorit është ekstreme saqë fansat dhe ndjekësit në komente e kishin të vështirë ta dallonin nëse ishte aktori në video apo skulptura e tij prej dylli.
