Zyrtare, Vllaznia ndërhyn në merkato, vjen një lojtar nga Erzeni

Vllaznia ndërhyn në merkato. Klubi shkodran ka bërë me dije se ka firmosur me Amir Kahrimanoviç, lojtar të cilin jemi mësuar ta shikojmë në radhët e Erzenit. Në edicionin e fundit, ai luajti 34 ndeshje.

“KF Vllaznia dëshiron të bëjë të ditur se nga sot pjesë e saj do të jetë edhe futbollisti Amir Kahrimanoviç. Drejtuesit e klubit kanë rënë dakord dhe më pas është firmosur një kontratë njëvjeçare me mesfushorin- fantazist që në dy sezonet e fundit ka qenë pjesë e ekipit të Erzenit ku ka spikatur me performancën e tij” – Shkruan klubi.

(J.S/)