Raketat Javelin drejt Kosovës, ministri i Mbrojtjes: Anëtarësimi në NATO, nevojë urgjente! Kemi hedhur hapa të rëndësishëm
Raketat amerikane Javelin pritet të mbërrijnë shumë shpejt në Kosovë, e pohuar kjo nga ministri i mbrojtjes atje, Ejup Maqedonci.
Ministri sqaroi se tashmë janë kthyer pagesat sipas planit dhe sistemet e konsideruara tejet efikase, do të jenë brenda pak kohësh në inventarin e FSK-së. Me tej, theksoi po ashtu se Kosova tashmë zotëron sistemin e raketave turke “OMTAS”.
Sipas tij, vendi ka hedhur hapa të rëndësishëm përpara në drejtimin e përgatitjes për të qenë e pjesë e aleancës së Atlatikut Verior, dhe e përshkroi anëtarësimin në NATO si nevojë urgjente për sigurinë e Kosovës.
Ministri shtoi se Forca e Sigurisë së Kosovës ka kapacitete të mjaftueshme për të qenë pjesë e aleancës më të madhe ushtarake në botë. Ai theksoi se në të gjithë organizimin e saj, FSK-ja strukturën e ka të hartuar në atë format që të jetë e mundur ndërveprueshmëria më vendet e NATO-s.
Nivelin taktik, doktrinën tonë ushtarake dhe të gjitha dokumentet, ne i kemi të sinkronizuara me ato të anetareve te NATO-s, sqaroi ai, duke nënvizuar se kjo i jep mundësi FSK-së që gjatë operacioneve të përbashkëta, të ketë mundësi ndërveprimi me ushtritë e shteteve të aleancës.
AlbaniaWeb.net
