Breshëri raketash drejt Izraelit, Libani reagon pas vrasjes së komandantit të Hezbollahut: Përgatituni që të qani
Hezbollahu gjuajti breshëri të mëdha raketash në drejtim të Izraelit të mërkurën dhe u zotua të shtojë sulmet e tij në hakmarrje për një sulm izraelit që vrau një komandant të lartë në terren të Hezbollahut, ndërsa konflikti përtej kufirit libanez-izraelit u përshkallëzua ashpër.
Hezbollahu dhe Izraeli kanë nisur shkëmbimin e zjarrit që nga shpërthimi i luftës së Gazës në tetor, në intensifikimin e vazhdueshëm të armiqësive që kanë nxitur shqetësimin për një konfrontim më të madh midis kundërshtarëve të armatosur rëndë.
Sulmi izraelit në fshatin Jouaiyya të Libanit jugor të martën vonë vrau tre luftëtarë të Hezbollahut së bashku me komandantin e lartë në terren Taleb Abdallah, i njohur gjithashtu si Abu Taleb. Ai ishte komandanti më i lartë i Hezbollahut i vrarë gjatë tetë muajve të armiqësive, tha një nga burimet.
Ushtria izraelite konfirmoi se e kishte vrarë atë si dhe tre luftëtarët e tjerë të Hezbollahut në një sulm në një qendër komandimi dhe kontrolli.
Duke folur në procesion, zyrtari i lartë i Hezbollahut, Hashem Safieddine tha se grupi do të rrisë intensitetin, forcën dhe sasinë e operacioneve të tij kundër Izraelit si përgjigje.
“Nëse armiku po bërtet dhe po ankohet për atë që i ndodhi në Palestinën veriore, le të përgatitet për të qarë dhe vajtuar”, tha Safieddine.
AlbaniaWeb.net
