Statistikat në prag Gjermani-Skoci, peshorja anon në krahun e “Panzera-ve”

Gjermani-Skoci do të jetë edhe ndeshja hapëse e Euro 2024, e cila do të luhet sonte në mbrëmje, ora 21:00, në Munih.

Kjo do të jetë hera e 11, në të cilën këto dy kombëtare përballen me njëra tjetrën, me statistikat që anojnë dukshëm në favor të skuadrës gjermane. 7 janë sukseset e “Panzera-ve”, 2 ndeshja kanë përfunduar në barazim dhe vetëm 1 ndeshje ka shkuar në favor të skocezëve. Skocezët nuk e kanë mundur ekipin gjerman, prej katër përballjeve rradhazi.

Duhet nënvizuar fakti se skocezët, nuk e kanë kaluar asnjëherë fazën e grupeve, në katër pjesëmarrjet që ajo ka patur në fazën finale të një kompetiticoni.
Ndërkohë që ekipi i Julian Nagelsmann, do të kërkojë suksesin e katërt në histori. Ata e kanë fiturar këtë trofe në vitet 1972, 1980 dhe 1996.