Me simbol nazist në trup, kush është tifozi anglez që u përlesh me serbët në Gjermani dhe rrezikon…

Një huligan , i akuzuar si i përfshirë në një sulm ndaj tifozëve serbë në rrugët e Gelsenkirchen, u arrestua më parë në Gjermani pasi kishte pikturuar një simbol nazist në trupin e tij.

Gordon Thomas, 39 vjeç, i cili tani përballet me përjashtimin nga ndeshjet, ishte mbajtur më parë nga policia në vitin 2006 për një simbol SS të pikturuar në shpinë teksa shikonte ndeshjen e Kupës së Botës të Anglisë kundër Paraguait.

Ai u gjobit me 50 € dhe më vonë u lirua, por më pas fitoi 750 £ kompensim në lidhje me kohën që u mbajt nga policia britanike.

Pas udhëtimit të tij të fundit në Gjermani, ai u ndalua në Aeroportin e Mançesterit të hënën në mbrëmje sipas Aktit të spektatorëve të futbollit 1989.
Thomas, nga Bolton, u shfaq në Gjykatën e Magjistraturës së Mançesterit të martën i akuzuar se ishte pjesë e dhunës në Gelsenkirchen përpara fitores 1-0 të së dielës kundër Serbisë, e cila u klasifikua si rrezik i lartë nga policia lokale për shkak të shqetësimeve për telashe të mundshme.

“Nuk e di se çfarë duhet të kem bërë”

Dhuna shpërtheu të dielën pasdite kur huliganë anglezë sulmuan tifozët serbë të ulur jashtë një restoranti dhe në përleshje u përfshinë më shumë se 100 personave.

Thomas, i cili përfaqësonte veten, i tha gjykatës se atij i ishin dorëzuar dokumentet gjyqësore pas mbërritjes në aeroportin e Mançesterit, por nuk ishte vënë në dijeni për provat kundër tij.

Gjyqtarja e rrethit Joanne Hirst e shtyu çështjen në mënyrë që z. Thomas të mund të kërkonte këshilla ligjore, por ajo e paralajmëroi atë se ishte një çështje “serioze” që mund të çonte në përjashtimin e tij nga ndeshjet e futbollit për tre vjet.

Ajo i dha atij lirimin me kusht, që do të thotë se ai nuk lejohet të udhëtojë jashtë Anglisë ose Uellsit përpara daljes së tij të ardhshme në gjykatë më 23 gusht.

Gjykata dëgjoi se pasaporta e z. Thomas ishte sekuestruar tashmë nga policia.