“Peng ndeshja me Shqipërinë”, Modric nuk dorëzohet: Kam ende për të dhënë

Ai gol i Zaccagni-t në limite nxori praktikisht Kroacinë nga “Euro2024”, një fund i hidhur që trishton pafund një legjendë si Luka Modric. Ylli kroat, pas këtij takimi, shpreh keqardhje për këtë përfundim, por më shumë se sa për pikët e lëna kundër Italisë, mesfushori i Real Madrid ka peng ndeshjen me Shqipërinë:

“Futbolli kundër Kroacisë sot ishte i pamëshirshëm, i keq. Ashtu si ndaj Shqipërisë duke qenë se pësuam dy gola në minutat e fundit. Do të duhet të rikuperohemi, por mund të jemi krenarë për mënyrën se si mbrojtëm kombëtaren tone.

Na mungonte përqendrimi dhe mprehtësia. Në minutat e fundit të ndeshjes duhet të jemi të përqendruar maksimalisht dhe fatkeqësisht nuk ishim kurrë. As ndaj Shqipërisë nuk e meritonim të humbnim.

E ardhmja te Kroacia? Unë, Brozovic dhe Perisic i kemi dhënë shumë Kroacisë dhe mund të japim ende shumë. Jemi të zhgënjyer, por dhamë gjithçka edhe nëse nuk u kualifikuam”, ka përfunduar veteran kroat.

()