I prishi ëndrrën Shqipërisë, Ferran Torres “fshin” gjithçka: Ishim perfekt, por tani të fitojmë trofeun

Spanja ishte ekipi i vetëm perfekt në fazën e grupeve, 3 ndeshje 9 pikë, 5 gola të shënuar, asnjë i pësuar, por këto shifra tani kanë pak rëndësi pasi “furia e kuqe” synon t’i shkojë deri në fund këtij turne, të fitojnë Evropianin, fakt që e pranon edhe Ferran Torres:

“Po, zhvilluam një fazë grupesh spektakolare, ishim më të mirë, por tani kjo ka pak rëndësi, në fazën finale nuk ka rëndësi nëse luan mirë, ka rëndësi vetëm të fitosh. Nuk pësuam asnjë gol në grupe? Nuk ka rëndësi. Nëse dëshiron të fitosh duhet t’i mposhtësh të gjithë rivalët. Mbase takohemi më 15 korrik, dhe të them që luajtëm shumë keq, por fituam trofeun”, u shpreh ndër të tjera Ferran Torres, autori i golit të fitores ndaj Shqipërisë.

()