Aksident i frikshëm në superstradën Lezhë-Laç, përplasen dy makina, njëra përfundon në parkingun e lokalit, dëmton edhe 8 të tjera
Aksident i frikshëm në superstradën Lezhë-Laç, në afërsi të kryqëzimit të Spitenit.
Gazetarja e AlbaniaWeb.net Brixhilda Deda raporton se janë përplasur dy automjete, njëra prej tyre ka përfunduar e përmbysur në parkingun e një lokali duke dëmtuar 8 makina të tjera si dhe rrezikuar jetën e klientëve.
Sipas të dhënave nga aksidenti një person ka mbetur i plagosur dhe është dërguar në spitalin e Lezhës. Policia ndodhet në vendin e ngjarjes dhe ka nisur hetimet për zbardhjen e shkaqeve dhe rrethanave të këtij aksidenti.
AlbaniaWeb.net
