Conference League/ Turi i parë kualifikues një dështim për ekipet shqiptare, ja cilat prej tyre vijojnë akoma garën

Klubet shqiptare nuk patën një tur të parë pozitiv në Europë. Vetëm Partizani ia doli të kualfiikohet në Conference League. Tirana, Vllaznia, Shkëndija dhe Malisheva u skualifikuan pavarësisht përpjekjeve për mirë. Një tur kualifikues që fare mirë mund të quhet një dështim i plotë ky për skuadrat shqiptare.

Humbje pësuan dhe Egnatia, Ballkani, Deçiq, Struga dhe Llapi, por ishin respektivisht në Champions dhe Europa League. Kështu kanë avantazhin të vazhdojnë rrugëtimin në Conference League. Në anën tjetër Drita e nis rrugëtimin pikërisht nga turi i dytë për këtë sezon.

Të gjithë shpresat kanë mbetur te këto 7 klube. Dhe pse ishte një tur i parë zhgënyes, shpresat janë që diçka të ndryshojë në vazhdim.

Turi i dytë i Conference League:

Struga – Pyunik Yerevan

Ballkani – Hamrun Spartans

Egnatia – Vikingur Reykjavik

Deçiq – Dinamo Batumi

Partizani – Iberia

Drita – Breidablik

Llapi – Brondby