Nuk e takoi kurrë babanë, Arnita: Më thonë që jam sozia e tij

Ish-missi dhe regjisorja Arnita Beqiraj ka qenë e ftuar një ditë më parë në “Ftesë në 5” ku ka folur për jetën e saj personale dhe profesionale.

Ajo ka treguar se nuk e ka njohur babanë e saj kurrë pasi ndërroi jetë në moshë shumë të re, por ka pasur një fëmijëri të lumtur nga dashuria që i ka ofruar e ëma dhe familjarët e tjerë.

Bieta Sulo: Në një lloj forme kanë dashur të kompesojnë dashurinë e munguar të babait?

Arnita Beqiraj: Absolutisht po, por besoj se ka qenë e dyanshme sepse ndoshta nëpërmjet meje merrnin edhe një lloj dashurie që dhe atyre u mungonte sepse ti rrjedhimisht e atashon fëmijën që vjen në jetë me personin që nuk është me. Thonë që unë jam shumë e ngashme fizikisht me tim at, gati, gati si sozi. Unë nuk e kam vuajtur kurrë mungesën e të paturit, ka qenë një kuriozitet, por nuk e kam vuajtur sepse jam rritur me një dashuri të tillë, që kur shoh situata kur mungon jo vetëm në jetën e përditshme, por edhe në punë, për mua fëmijëria është praktikisht ajo që jemi gjatë gjithë jetës sonë. Është e pamundur që nëse nuk ke qenë një fëmijë i lumtur, të kesh balanca të mira në jetën tënde më vonë.

Arnita tregoi se babai i saj ka ndërruar jetë kur nëna e saj ishte shumë e re.