Rroca qëndron në Turqi, firmos me skuadrën e re

Eduard Rroca me ekip të ri. Pavarësisht interesimit të skuadrave si Partizani e Egnatia, Rroca ka kthyer mbrapsht ofertat e tyre, pasi ka vendosur që të qëndrojë përsëri në futbollin turk. Ai ka firmosur me Keçiorengyçy në kategorinë e dytë turke, duke iu bashkuar kësisoj një klubi në radhët e të cilit gjendet edhe Kristal Abazaj.

Mediat turke bëjnë të ditur se Rroca ka nënshkruar kontratë për një sezon, me të drejtën e rinovimit për një tjetër vit me klubin e Ankarasë që synon ngjitjen në elitë.