Ju kujtohet “Rubi”? Aktorja meksikane rrëfen të shkuarën e saj “bardh e zi”
Me siguri ju kujtohet Rubi, aktorja që fiksoi pas ekranit gjithë botën me rolin e saj në telenovelën me të njëjtin emër. Barbara Mori është rikthyer në ekran për të rrëfyer më shumë nga jeta e saj personale, e cila duket të jetë shumë larg nga ajo e “Rubit”, bukuroshja që gjunjëzonte çdo mashkull që i dilte para.
Në një intervistë të dhënë së fundmi, ylli meksikan rrëfen se në marrëdhëniet me ish-partnerët e saj gjithmonë ka patur ndjesinë se nuk meritonte më shumë. Ndonëse ish-partnerët e saj kur nuk kanë vënë dorë mbi të, Barbara tregon se brenda vetes ndihej e abuzuar. Këtë mendim aktorja ia atribuon edukimit që ka marrë nga babai i saj, i cili e ka dhunuar fizikisht kur ajo ishte e vogël, shkruan Hola.
”Më gënjyen, më tradhtuan dhe marrëdhënia ime me burrat ishte shumë abuzive ndaj meje. Babai më ka dhunuar fizikisht, më ka lënduar shumë, ka qenë shumë i dhunshëm, por kurrë nuk kam pasur një marrëdhënie ku jam goditur, kam pasur një marrëdhënie ku jam keqtrajtuar absolutisht në të gjitha fushat e tjera dhe nuk e njihja abuzimin. Mendova se e meritoja të trajtohesha kështu, sepse nuk isha e denjë dhe nuk isha e vetëdijshme për këtë, e zbulova kur fillova të punoja me veten dhe thashë: ‘Hej, çfarë po ndodh me këtë?’ Unë nuk mendoja se meritoja ndonjë gjë më të mirë dhe këta njerëz me të cilët isha nuk ishin njerëz të këqij, unë ngacmova diçka tek ata”,-tha aktorja.
Pas këtyre ngjarjeve të dhimbshme, Barbara gjeti kohë për të punuar me veten, duke mbyllur përfundimisht një cikël abuzimi nga ish-partnerët e saj. Duke bërë një bilanc të jetës së saj të dashurisë, Barbara pranon se në të kaluarën ka pasur edhe të dashur që i kanë dhënë dashuri dhe respekt. Ajo tani jeton e lumtur me partnerin e saj, producentin Fernando Rovzar.
