Dinamika e vrasjes së dyfishtë në Konispol/ Burri vret gruan me sëpatë, pas aktit të rëndë djali e hedh nga shkallët, bie në pranga 40-vjeçari
Burrë e grua kanë humbur jetën këtë mëngjes në fshatin Shalës të Konispolit.
Rreth orës 07:00 gjatë një konflikti për motive të dobëta në banesë H. I., 69 vjeç, ka vrarë me sëpatë bashkëshorten e tij, Sh. I., 66 vjeçe.
Më pas ai dyshohet se është konfliktuar me djalin e tij, K. I., rreth 40 vjeç, i cili e ka shtyrë nga shkallët e banesës. Si pasojë e dëmtimeve 69-vjeçari ka humbur jetën në vendngjarje.
Sipas policisë, është arrestuar djali i familjes shtetasit K. I. ndërsa grupi hetimor ndodhet në vendngjarje dhe nën drejtimin e Prokurorisë, po punon për sqarimin e plotë të rrethanave të ngjarjes.
AlbaniaWeb.net
