Fenerbahce, Mourinho: Championsi jo i domosdoshëm, besoj te skuadra
Numri një i stolit të Fenerbahces, Mourinho doli në konferencë për shtyp para ndeshjes ndaj Lille, takim ky i vlefshëm për turin e 3-të të Champions.
“Klubi nuk më ka thënë se Liga e Kampionëve është një domosdoshmëri. Do të ishte mirë nëse do të luanim në Champions, për prestigjin e klubit, për prestigjin e futbollit turk dhe në fund për prestigjin e vetë lojtarëve.
Nëse më pyesni nëse mund ta fitojmë Champions League, gjithçka është e mundur, por unë nuk besoj në mrekulli. Nëse më pyesni nëse mund ta fitojmë Ligën e Evropës, po.
Kemi lojtarë të mirë në skuadër. Kur një prej tyre lëndohet, hapen një sërë mundësish për të tjerët, ashtu siç bëjnë në stërvitje” – tha ai.
(J.S/)
