Shans për medalje/ Dudaev “fërkon duart”, Triumfi i mundësit iranian rikthen në garë përfaqësuesin e Shqipërisë

Islam Dudaev nuk ia doli të kalojë në gjysmëfinalet e Paris 2024. Mundësi i cili përfaqëson Shqipërinë, u mposht në çerekfinale nga sportisti nga Irani, Rahman Amouzadkhalili.

Megjithatë një lajm pozitiv ka ardhur së fundmi, teksa Dudaev është rikthyer për ripeshkim në garë për medaljen e bronzit. E gjitha kjo ndodhi pas fitores së mundësit nga Irani, Rahman Amouzadkhalili në gjysmëfinalen ndaj hungarezit Musukaev.

Tashmë Dudaev do të duhet të fitojë 2 ndeshje për të marrë medaljen e bronzit. Përfaqësuesi i Shqipërisë do të zbresë në tapet nesër.

(AlbaniaWeb.net)