FOTO/ Yjet e “Hollywood” zbresin në Itali për Festivalin e Filmit në Venecia 2024
Aktorja e njohur Angelina Jolie ka mbërritur në Itali në prag të Festivalit të 81-të Ndërkombëtar të Filmit në Venecia. Aktorja, regjisorja, producentja dhe tani stilistja zbarkoi në qytetin romantik, duke u dukur elegante me një kombinim minimalist.
Thelbi i look-ut të saj ishte një pallto Dior ngjyrë bezhë e lehtë me mëngë të shkurtra të palosura. Aksesorët e saj të vetëm ishin syze dielli të zeza dhe vathë të vegjël argjendi, shkruajnë mediat e huaja.
Festivali i Filmit në Venecia fillon ditën e sotme, më 28 gusht dhe do të zgjasë deri më 7 shtator. Gjatë aktivitetit shumëditor, Jolie pritet të marrë pjesë në një shfaqje të filmit të saj të ri, Maria, një dramë biografike për këngëtaren e ndjerë të operës Maria Callas.
