Atentati me dy të plagosur në “Don Bosko”, dalin pamjet e automjetit të djegur në Kamëz
Ky është automjeti që përdorën autorët për atentatin e ndodhur sot në zonën e “Don Boskos” në Tiranë.
Mjeti dyshohet të jetë përdorur nga autorët dhe më pas është djegur në Kamëz.
Të plagosurit janë Kastriot Elezi 45 vjeç dhe Ronaldo Metushi 22 vjeç. Elezi është plagosur në kraharor dhe krah, kurse Metushi në këmbë.
Sipas gazetares së AlbaniaWeb.net, Dorjana Bezat, autori është larguar me motor pasi ka qëlluar mbi dy personat, ndërsa mbante një kapele në kokë.
“Më datë 03.09.2024, në Don Bosko, në afërsi të OSHEE, janë plagosur me armë zjarri shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve”, sipas policisë.
Grupi hetimor ndodhet në vendngjarje dhe po punon për sqarimin e rrethanave, identifikimin dhe kapjen e autorëve të dyshuar.
AlbaniaWeb.net
