Arteta, pas rinovimit “sheh” larg: Qëllimi im? Të jem trajneri më i mirë në histori i Arsenalit

Në konferencën përpara Derbit të Londrës së Veriut, menaxheri i Arsenalit, Mikel Arteta tha se “qëllimi i tij i vetëm” është të kalojë Arsène Wenger dhe të bëhet trajneri më i mirë i Arsenalit ndonjëherë.

Arteta nënshkroi një kontratë të re trevjeçare me Arsenalin këtë javë, pasi e ktheu skuadrën në pretendente për titull gjatë dy sezoneve të fundit. “Unë shpresoj se po. Qëllimi im është të jem versioni më i mirë i vetes. Trajneri më i mirë ndonjëherë për Arsenalin. Ky është qëllimi i vetëm.”

Për rikuperimin e mundshëm të Martin Ødegaard për ndeshjen kundër Tottenhamit: “Ne kemi nevojë për teste të mëtejshme. Le të shohim se çfarë do të ndodhë në ditët në vijim. Ndoshta sot pasdite. Ne duhet të vlerësojmë shkallën e dëmtimit dhe sa shpejt mund ta kthejmë atë. Martin dëshiron të jetë gjithmonë i pranishëm, por ne duhet të presim dhe të shohim.”

Arteta përfundoi duke thënë: “Unë ia lë gjithçka mjekut. Martin dëshiron të jetë i pranishëm në çdo ndeshje. Duhet të sigurohemi që paraprakisht të dimë se sa mirë është apo jo. Lojtarët janë gjithmonë në dispozicion brenda 48 orëve. Le të shohim se çfarë do të ndodhë Më mirë, është një proces i ngadaltë dhe kërkon pak kohë për t’u shëruar duhet të presim një ditë tjetër”.