Maxhoranca abstenon, mandati i deputetes së PS, Olta Xhaçka, nuk shkon në Kushtetuese, Spiropali: Do t’i drejtohem Venecias
Partia Socialiste ka abstenuar për një vendim të Gjykatës Kushtetuese për t’i dërguar asaj çështjen e mandatit të mandatin e deputetes Olta Xhaçka.
Pas një seance maratonë, gjatë procesit të votimit 25 deputetë të opozitës kanë votuar pro dërgimit të çështjes në Kushtetuese, 65 deputetë të shumicës kanë abstenuar, ndërsa nëntë të tjerë, po nga maxhoranca, kanë votuar kundër.
Në përfundim të votimit, kryetarja e Kuvendit, Elisa Spiropali tha se nga dita e nesërme do t’i drejtohet Komisionit të Venecias.
“Kuvendi ka zbatuar gjithë procedurën parlamentare për zbatimin e vendimit të Gjykatës Kushtetuese, meqenëse ky vendim nuk miratohet, pasi nuk arriti shumicën e kërkuar, që nesër si kryetare e Kuvendit do ti drejtohem komisionit të Venecias për të marrë një mendim të specializuar mbi standardet e zbatueshme në vendimmarrjet e pushtetit legjislativ, raportin dhe konkurrueshmërinë e parimeve të parashikuara në të drejtën kushtetuese dhe për rastet e papajtueshmërisë së mandatit të deputetit”, tha Spiropali, teksa ky qëndrim i socialistëve irritoi opozitën.
AlbaniaWeb.net
