VIDEO/ Quajeni “Njeriu Champions”, Jasir Asani shënon sërish në Ligën e Kampionëve të Azisë dhe i jep fitoren e dytë radhazi skuadrës koreane
Jasir Asani duket se është në formën e tij më të mirë në debutimin në Ligën e Kampionëve të Azisë që po bën me skuadrën e Gwangju.
Sulmuesi i Kombëtares shqiptare gjeti sërish rrugën e rrjetës në ndeshjen e dytë radhazi në këtë kompeticion, kësaj radhe në transfertën e vështirë përballë japonezëve të Kawasaki Frontale.
Në minutën e 21’ të takimit, 29-vjeçari mori përsipër të godiste 11-metërshin e fituar nga koreanët, të cilin me një predhë e ktheu në gol, i cili ishte i vetmi për këtë takim.
𝙏𝙝𝙚 𝙈𝙖𝙣 𝙊𝙛 𝙏𝙝𝙚 𝙃𝙤𝙪𝙧
Jasir Asani delivers yet again! #ACLElite | #KWFvGWA pic.twitter.com/fFgwzUqyJl
— #ACLElite | #ACLTwo (@TheAFCCL) October 1, 2024
Kështu Asani është golashënuesi më i mirë në Champions, me 4 realizime në dy ndeshje, teksa ekipi i tij është në kuotën e 6 pikëve, në rrugën e duhur për t’u kualifikuar në fazën tjetër.
AlbaniaWeb.net
