Reshje të dendura shiu në Zadrimë, përmbytje në disa zona! Bllokohet rruga në Fishtë
Reshje të dendura shiu në zonën e Zadrimës në Lezhë, duke shkaktuar edhe përmbytje në disa zona.
Raportohet se vërshimi i përrenjve malorë ka sjellë probleme në fshatin Fishtë, duke bllokuar rrugën.
Niveli i ujit ka arritur në disa centimetra, ndërsa në disa banesa ka prezencë të ujit në oborret e shtëpive. Po ashtu nga stuhia dhe vërshimi i ujit është dëmtuar dhe një urë në fshatin Fishte.
Grupet operacionale të emergjencave janë në terren dhe po punojnë për përballimin e situatës, teksa reshjet kanë pushuar pak minuta më parë.
AlbaniaWeb.net
