Nëna e djalit të Liam Payne reagon pas vdekjes së këngëtarit
Cheryl Cole, nëna e djalit të Liam Payne, ka folur pas vdekjes së papritur të këngëtarit. Këngëtarja ka bërë një postim në Instagram për të kujtuar ish-anëtarin e One Direction.
REAGIMI:
Ndërsa përpiqem të kaloj këtë ngjarje që më ka tronditur jetën, dhe të përballem me dhimbjen time të thellë në këtë kohë të padurueshme, do të dëshiroja t’i kujtoj gjithkujt që kemi humbur një qenie njerëzore.
Liam nuk ishte vetëm një yll i muzikës pop dhe një figurë e njohur, ai ishte një djalë, një vëlla, një xhaxha, një mik i dashur dhe një baba për djalin tonë 7-vjeçar. Një djalë që tani duhet të përballet me realitetin e mos e parë më kurrë të atin.
Ajo që më shqetëson më shumë është mendimi se një ditë, Bear do të ketë qasje në raportet e neveritshme dhe shfrytëzimin mediatik që kemi parë në dy ditët e fundit. Po më thyen zemrën edhe më shumë fakti që nuk mund ta mbroj nga kjo në të ardhmen e tij.
Ju lutem të merrni parasysh se çfarë qëllimi kanë disa nga këto raporte, përveçse të shkaktojnë dëme të mëtejshme për të gjithë ata që kanë mbetur duke mbledhur copëzat. Përpara se të lini komente ose të bëni video, pyesni veten nëse do të dëshironit që fëmija apo familja juaj t’i lexonte ato.
Ju lutem, jepini Liamit dinjitetin e vogël që i ka mbetur pas vdekjes për të pushuar në paqe më në fund.
Faleminderit, Cheryl
Payne dhe Cole u takuan nga viti 2016 në 2018. Fillimisht u takuan në 2008 ndërsa Payne ishte një konkurrent në The X Factor UK. Në atë kohë, Cole – e cila është anëtare e grupit të vajzave Girls Aloud – ishte juri në show. Payne u rikthye në shfaqje dy vjet më vonë në 2010, kur Simon Cowell e vendosi atë së bashku me Zayn Malik, Harry Styles, Niall Horan dhe Louis Tomlinson për të formuar One Direction.
