Cardi B i përgjigjet Musk: Unë nuk jam një kukull, jam një fëmijë emigrantësh
Cardi B i është kundërpërgjigjur komenteve të Elon Musk, i cili e quajti atë një “kukull” pas tubimit të Kamala Harris në Milwaukee. Reperja 32-vjeçare, e njohur për ndjeshmërinë e saj sociale dhe mbështetjen për politikat progresive, shkoi në Twitter për t’iu përgjigjur themeluesit të Tesla.
“Unë nuk jam një kukull, Elon” shkroi Cardi B “Unë jam vajza e dy prindërve emigrantë që punuan shumë për të më rritur,” vazhdoi ajo.
I’m not a puppet Elon.. I’m a daughter of two immigrant parents that had to work their ass off to provide for me! I’m a product of welfare, I’m a product of section 8, I’m a product of poverty and I’m a product of what happens when the system is set up against you….But you don’t… https://t.co/BBYQ2O0KYJ
— Cardi B (@iamcardib) November 2, 2024
Reperja shpjegoi se si u rrit në varfëri dhe argumentoi se realiteti i amerikanëve që luftojnë për të mbijetuar është diçka që Musk nuk mund ta kuptojë.
Gjithçka nisi kur Musk postoi videon e fjalimit të Cardi B, ku reperja dukej nervoze për shkak të një problemi që kishte në teleprompter.
Në postimin e tij ai ka komentuar: “Një tjetër kukull që nuk flet pa u ushqyer me fjalët”.
Me këtë koment, ai vuri në dukje mungesën e autenticitetit dhe ndjeshmërisë në fushatën e Kamala Harris, duke shkaktuar një reagim të ashpër nga Cardi B.
Cardi B nuk është i vetmi personazh i famshëm që mbështet Harrisin në prag të zgjedhjeve presidenciale. Jennifer Lopez u shfaq në një miting në Las Vegas, duke treguar mbështetjen e saj për portorikanët, ndërsa Beyoncé, duke folur në Hjuston, i bëri thirrje publikut të marrë pjesë në zgjedhje, duke theksuar rëndësinë e votimit.
