Pamjet/ Aksident i rëndë në Vlorë, barriera mbrojtëse përfundon brenda “Porsche”-it ku udhëtonin tre të rinj
Një aksident i rëndë ka ndodhur në rrugën e vjetër Vlorë-Fier, në zonën e fshatit të Bestrovës, ku një automjet tip Porsche ka humbur kontrollin dhe është përplasur me barrierën mbrojtëse.
Korrespondenti i AlbaniaWeb.net Mikel Marsi raporton se barriera ka përfunduar brenda automjetit, ku udhëtonin tre të rinj.
Si pasojë, një prej të rinjve ka marrë lëndime të shumta dhe është dërguar në spitalin e Vlorës për ndihmë mjekësore.
Policia dhe grupi hetimor janë në vendngjarje dhe po punojnë për zbardhjen e shkaqeve të aksidentit.
AlbaniaWeb.net
