Aksident i rëndë në hyrje të Lezhës, tre të plagosur, dy në gjendje të rëndë
Një aksident i rëndë është shënuar në qytetin e Lezhës.
Korrespondentja e AlbaniaWeb.net Brixhilda Deda raporton se dy makina janë përplasur kokë më kokë me njëra-tjetrën ku për pasojë kanë mbetur të dëmtuar tre presona, 2 prej tyre kanë marrë dëmtime më të rënda sipas burimeve.
Aksidenti ka ndodhur në hyrje të qytetit të Lezhës ku si pasojë e goditjes së fortë njëra prej makinave ka dalë jashtë rruge.
Njoftimi i policisë:
Rreth orës 21:30, në Ishull- Lezhë janë përplasur automjeti tip “Benz” me drejtues shtetasin T. K., me automjetin tip “Golf” me drejtues shtetasin J. B.
Si pasojë e përplasjes janë dëmtuar të dy drejtuesit e automjeteve dhe pasagjeri në automjetin tip “Benz”, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit.
AlbaniaWeb.net
