“Të dua vëlla”/ Zayn Malik nderon me një homazh prekës Liam Payne në koncertin e tij

Artisti i njohur Zayn Malik ka nderuar ish shokun e tij të grupit ‘One Direction’, Liam Payne në shfaqjen e tij në Leeds.

Mesazhi “Të dua vëlla”, i cili është shpërndarë gjerësisht në rrjetet sociale, kishte edhe emrin e Payne dhe vitin kur lindi dhe vdiq.

Zayn shtyu më parë pjesën e turneut në SHBA pas humbjes së Liam. Më vonë ai i riplanifikoi shfaqjet e Edinburgut, të cilat ishin planifikuar për 20 dhe 21 nëntor.

Pas vdekjes së Payne, Malik tha se ai “asnjëherë nuk mund ta falënderonte” atë për mbështetjen e tij gjatë disa prej kohërave “më të vështira”.

Payne vdiq në moshën 31-vjeçare, pasi u rrëzua nga kati i tretë i ballkonit të hotelit në Argjentinë muajin e kaluar. Familja, miqtë dhe ish-shokët e grupit e kujtuan gjatë funeralit në Amersham në Buckinghamshire.