Trajneri i Bayern vlerëson PSG: Një nga klubet më të forta në Evropë, të luajmë me mentalitetin e duhur

Trajneri i Bayern-it, Vincent Kompany dha opinionin e tij para ndeshjes ndaj PSG në Champions.

“Do të përballemi me një nga klubet më të forta në Evropë. Ndoshta PSG-ja është një nga 10 ekipet më të mira. Kanë cilësi të shkëlqyera individuale dhe një trajner shumë të mirë. Të dyja skuadrat futen në fushë për të fituar. Ne luajmë në shtëpi dhe fitoren e kemi prioritet.

Sezoni deri tani ka qenë përgjithësisht i mirë për ne, por jo perfekt. Për mua nuk kanë rëndësi kritikat. E rëndësishme është që të mësojmë nga momentet e vështira. Nuk ka ndeshje të lehta. Duhet të kemi të njëjtin mentalitet, pavarësisht kundërshtarit që është përballë. Synimi ynë është që fazën e grupeve ta mbyllim në vendet e para. Në ndeshje të tilla, duhet të japim gjithçka”, deklaroi Kompany.