Champions League/ Liverpool dhe Inter thuajse të kualifikuara, Real dhe PSG në rrezik eleminimi, Milan dhe Juve të dënuara për të fituar, ja shanset për kualifikim

Sa pikë duhet të grumbullojë një skuadër për t’u kualifikuar direkt në fazën e 1/8 të finaleve? Mesiguri ka qenë pyetja më e shpeshtë që keni dëgjuar që kur ka nisur edicioni i ri i Champions League. Një formulë e re e pa aplikuar më parë, që vjen si risi dhe si eksperiment këtë sezon, ndaj për këtë arsye duket se është e vështirë që kësaj pyetje t’i japësh një përgjigje 100% të saktë.

Megjithatë kur kanë përfunduar 5 raundet e para, tabloja e 36 skuadrave pjesëmarrëse po bëhet gjithnjë e më e qartë. Kështu Liverpool, thuajse e ka siguruar kualifikimin për më tej, teksa kryeson e vetme renditjen me pikë të plota. Nga skuadrat italiane ndërkohë Inter duket se e ka të sigurtë një biletë për në fazën me elemininm direkt teksa, mediat italiane kanë përllogaritur se me 17-18 pikë zikaltrit e kanë të sigurtë që do të jenë në 8 vendet e para.Milanit ndërkohë i duhet të fitojë 3 sfidat e mbetura për të siguruar pjesëmarrjen mes 8 ekipeve më të mira, me kalendarin që i vjen në ndihmë ekipit të Fonsecës, që do të luajë ndaj Crevan Zvezdës, Dinamos së Zagbrebit dhe Gironës, tre kundërshtarë në letër tërësisht të kalueshëm.

Më e vështirë situate për Juventusin me “Zonjën e Vjetër” që ka një pikë më pas se sa Milan në klasifikim, ndaj tre sfidat e fundit, fitorja është detyrim për bardhezinjtë.

Në mënyrë surprizuese ndërkohë dy skaudrat “Big” të kontinentit që rrezikojnë për momentin janë Real Madrid dhe PSG. 15 herë kampionët e Evropës pas dy humbjeve të fundit ndaj Milanit dhe Liverpoolit rrezikojnë shumë edhe pjesëmarrjen në fazën e Play-Off ndërsa pjesëmarrja në 8 skaudrat më të mira tashmë duket një utopi. Më e vështirë situate për PSG, që në rast se gabon sërish në 3 sfidat e mbetura, atëherë mund t’i thotë në mënyrë surprizuese lamtumirë, përpara kohe kompeticionit më madhështor për klube.

Site i mirënjohur FootballMeetData ka parashikuar edhe mundësinë për të përfunduar mes 8 skaudrave më të mira, të 8 skaudrave që aktualisht renditen të parat, teksa shikohet se Liverpool ka 98% shanse për t’u kualfikuar direkt, ndërsa shanset më të mëdha menjëherë pas “Redsave” i ka Inter me 88%.

Projected to finish Top 8 in UCL and qualify directly to R16 (as of 27 Nov):

98% 🏴󠁧󠁢󠁥󠁮󠁧󠁿 Liverpool
88% 🇮🇹 Inter
77% 🇩🇪 B. Dortmund
69% 🏴󠁧󠁢󠁥󠁮󠁧󠁿 Arsenal
68% 🇪🇸 Barcelona
60% 🇮🇹 Atalanta
52% 🇩🇪 Bayern
42% 🇩🇪 B. Leverkusen

— Football Meets Data (@fmeetsdata) November 27, 2024