Egli Tako e refuzoi, Xum Allushi nuk “dorëzohet”: Më mirë s’do gjejë

Mesa duket Xumi nuk heq dorë kollaj nga dashuria. Edhe pse Egli e refuzoi, duket se Xumi nuk është dorëzuar sa i përket raportit me të.

Në një bisedë me Loredanën, banori u ndal te kimia dhe të përbashkëtat që ka me Eglin, teksa nuk i kurse dhe “kunjat” për Redonin.

“Dëgjova historinë. U preka. Pashë veten time në atë histori. Unë për një vit kam shtuar 30 kile nga depresioni, nga ankthi, nga gjërat. Pashë veten time komplet. Ngela. Kemi shumë të përbashkëta. Ajo u ul qëparë në tavolinë dhe më tha që nuk hahet ajo se ka karbohidrate. Këto janë fjalët e mia. Jemi njësoj, tipik njësoj. Dhe kjo gjë më ka pëlqyer shumë atë nate. Thashë me veten time: ‘Doli një rob që unë kam çfarë të flas, doli një rob që unë kam çfarë të bëj, të bëj stërvitje me të’. Dhe kur po gatuanim, kishim një lloj kimie bashkë. Unë bëja atë salcën, ajo kalonte duart afër, ajo aroma e vetë, sytë… ishte një gjë shumë e bukur dhe unë e dua atë gjë. Çdo ditë, tre herë në ditë të ma bëj atë gjë, unë e dua atë lloj gjëje, kam nevojë për atë gjë. Unë e dua atë gjë. Më lë ta bëj.

E ke më qafë me Redonin. Ja ku e ke. Nuk mërzitem. Më vjen keq. Hap sytë. Doja t’i thoja qëparë: ‘Hap sytë’. Uroj me gjithë shpirt, shpresoj t’i vijë më mirë, por nuk gjen kështu, nuk gjen kështu. Po s’do, mirupafshim. Nuk dorëzohet Xumi. Po s’do, nuk të bezdis”, u shpreh Xumi.