EMRI/ Gjendet pa shenja jete në shkallët e Pallatit të Sportit një 62-vjeçar, ja dyshimet e policisë

Një 62-vjeçar, i identifikuar si Adem Lika, është gjetur pa shenja jete në shkallët e Pallatit të Sportit në Gjirokastër.

Policia bën me dije se nga veprimet e para hetimore dyshohet se ky shtetas e ka humbur jetën nga shkaqe natyrale.

Megjithatë, hetimet për zbardhjen e ngjarjes kanë nisur.

Njoftimi i policisë:

Më datë 26.12.2024, rreth orës 07:30, në shkallët e pallatit të sportit, në lagjen “18 Shtatori”, është gjetur pa shenja jete dhe pa shenja dhune, shtetasi A. L., 62 vjeç.

Nga veprimet e para hetimore dyshohet se ky shtetas e ka humbur jetën nga shkaqe natyrale.

Grupi hetimor po punon për sqarimin e rrethanave të rastit.