VIDEO/ Neymar dhe Bruna Biancardi, në pritje të një tjetër fëmije: Zbulojnë gjininë me një festë madhështore

Pas disa javësh spekulime, lajmi tashmë është zyrtar: Neymar dhe partnerja e tij Bruna Biancardi janë në pritje të fëmijës së dytë së bashku.

Futbollisti i Al-Hilal dhe modelja braziliane së fundmi ndanë njoftimin e gëzueshëm gjatë një feste për zbulimin e gjinisë, ku zbuluan se janë në pritje të një vajze.

Biancardi e ka konfirmuar zyrtarisht lajmin me një postim në rrjetet sociale, ku shprehu mirënjohjen dhe emocionin për shtimin më të ri në familjen e tyre.

“Ne po jetojmë në një fazë kaq të ëmbël dhe nuk mund të mos ndajmë me ju se ai ka dëgjuar edhe njëherë kërkesat tona dhe ka konfirmuar planet tona! Mirë se vjen, bijë. Të presim të plotësosh edhe më shumë familjen tonë. Zoti na ruajt nga çdo e keqe. Amen!”

Çifti, i cili festoi Krishtlindjet me një festë me tematikë të kuqe, kishte ndezur tashmë thashethemet për shtatzëninë kur fotot nga festa lanë të kuptohet se Bruna është në pritje të ëmbël.