Skënderbeu “kyç” derën e largimeve, synon përforcime të rëndësishme

Përtej hamendësimeve të ditëve të fundit, duket se ende asnjë lëvizje zyrtare nuk ka në kampin bardhekuq në këto ditë të fundit të vitit. Edhe pse emrat e parë e largimeve të mundshme kanë filluar të lexohen në kampin korçar, zyrtarisht nga klubi nuk ka asnjë konfirmim.

Madje drejtuesit shkojnë me tej kur thonë se fillimisht do të lëvizet në pjesën e afrimeve për të parë se çfarë mund të gjejnë në këtë moment merkatoje për të forcuar ekipin dhe vetëm pasi të kenë mbyllur marrëveshjet për lojtarët që do të afrohen, do të vijojë puna për largimin e elementëve që nuk janë më pjesë e planit të korçarëve.

Skënderbeu është në vendin e fundit të klasifikimit. Deri më tani, skuadra korçare ka grumbulluar 15 pikë.