Ish-futbollisti i Francës sulmon Kristiano Ronaldon: Flet budallallëqe, në Ligën 1 do e shqyenin
Ish-futbollisti i Francës, Adil Rami, ka sulmuar Kristiano Ronaldon për fjalët që ky i fundit tha rreth kampionatin francez të futbollit pak ditë më parë.
Portugezi theksoi se kampionati saudit ishte më i forte se ai Francës, pasi atje ishte vetëm PSG-ja, ndërsa në Arabinë Saudite kishte shumë klube të forta. Deklarata që nuk i kanë pëlqyer Rami, i cili u shpall Kampion Bote me Francën në vitin 2018.
“Ai flet budallallëqe. A keni qejf t’ju tregojmë pamje të mbrojtësve në Arabinë Saudite. Nuk është vetëm sepse ka pasur një karrierë të çmendur që çdo gjë që thotë është e vërteta. Mendoj se është një tentativë marketingu. Ne kemi mbrojtës që kanë robotë! Po e vendose atë në Ligën 1, do e shqyenin”, tha Rami.
“Unë jam një fans i Kristiano Ronaldos, por ai bëri një gabim. Kur ai thotë që kampionati saudit është më i mirë se ai francez, merr edhe njerëz të tjerë me vete”, ishte kritika e Rami.
PANORAMASPORT.AL
