E rëndë! Futbollisti 32-vjeçar gjendet i vdekur në dhomën e hotelit

Lajmi tragjik për vdekjen e Mathías Acuña, futbollistit uruguaian, ka tronditur botën e futbollit.

Ai u gjet i vdekur në dhomën e tij të hotelit në Ambato, Ekuador, ku ishte udhëtuar për t’u bashkuar me skuadrën dhe për të filluar përgatitjet për sezonin e ri. Hetimet paraprake sugjerojnë se 32-vjeçari mund të ketë kryer vetëvrasje, por ende nuk janë zbuluar shkaqet e plota që e kanë çuar në këtë akt tragjik.

Menaxheri i Acunës ka konfirmuar lajmin për mediat uruguaiane dhe ka treguar se trupi i tij është gjetur në shtratin e dhomës ku qëndronte. Kjo ngjarje ka shkaktuar dhimbje të thella te ata që e njihnin dhe respektonin futbollistin për aftësitë e tij të jashtëzakonshme dhe karakterin e tij të veçantë. Mathías Acuña ishte një lojtar i talentuar dhe humbja e tij ka lënë një boshllëk të madh në botën e futbollit.