Rrjeti po zien! Zendaya fejohet me Tom Holland?
Zendaya ndezi thashethemet për një fejesë me Tom Holland kur mbërriti në Golden Globes 2025 duke mbajtur një unazë diamanti.
Fansat komentuan aksesorin verbues në rrjetet sociale, me një fanse të intriguar duke postuar, “një unazë fejese e vendosur qëllimisht në atë gisht? ??? ZENDAYA??”
“Zendaya, unazë fejese?” shkroi një përdorues tjetër i emocionuar.
“A u fejuan Zendaya dhe Tom?” pyeti një tjetër. “Sido që të jetë, më pëlqejnë zgjedhjet e unazave për sonte!!”
Zendaya dhe Holland, të dy 28 vjeç, konfirmuan romancën e tyre kur u panë duke u puthur në korrik 2021 – vite pasi luajtën rolet në “Spider-Man: Homecoming” të vitit 2017.
Ata kanë qenë subjekt i spekulimeve për fejesë disa herë, me vetë Zendaya që foli për thashethemet në vitin 2023 pasi fansat u bindën se ata ndërmorën hapin tjetër kur ajo ndau një selfie me një unazë në atë gisht.
“Unë nuk mund të postoj asgjë … Unë postova [foto] për kapelën time, jo për unazën në gishtin tim të djathtë ju djema!” sqaroi ajo në një video të fshirë. “Seriozisht, mendoni se kështu do të zbuloja lajmin?”
Ndonëse nuk është sekret se ata janë kokë e këmbë për njëri-tjetrin, Zendaya ka shpjeguar më parë pse preferon ta mbajë private romancën e saj me aktorin e “Uncharted”.
“Pjesë të jetës sime, e pranoj, do të jenë publike”, tha ajo për Elle në 2023. “Por gjithashtu, kam kontroll mbi atë që zgjedh të ndaj.
“Ka të bëjë me mbrojtjen e paqes dhe t’i lini gjërat të jenë tuajat, por gjithashtu të mos keni frikë të ekzistoni. Nuk mund të fshihesh. As kjo nuk është argëtuese.”
