E pazakontë! Post Malone i la një kameriere bakshish 19 mijë euro

Reperi i njohur, Post Malone, ka treguar anën e tij humane në natën e Krishtlindjeve, duke lënë një bakshish prej 19 mijë eurosh për një nënë të vetme, Renee Brown, në Houston. Pas disa pijeve me mikun e tij Shaboozey në barin The Railyard, Renee, që po i shërbente, mbeti e emocionuar kur pa shumën e madhe të bakshishit në faturë, të paguar nga dikush në emër të Malone.

Në një intervistë për Music Mayhem, Renee përshkroi këtë moment si një “mrekulli për Krishtlindje”, duke shtuar se do ta përdorte paratë për të paguar qiranë dhe për të investuar në një biznes që do t’i mundësonte asaj të kalonte më shumë kohë me vajzën e saj. Ajo tregoi se kishte shkuar në punë të trishtuar, sepse duhej ta linte vajzën në shtëpi, dhe kjo gjest i Malone i dha forcë dhe besim për të vazhduar.

Ky akt i bujarisë ka shkaktuar reagime të ngrohta nga fansat, të cilët lavdëruan Post Malone për përdorimin e suksesit të tij për të ndryshuar jetën e të tjerëve. Komentet në rrjetet sociale ishin plot mirënjohje: “Është bukur të shohësh dikë që përdor suksesin e tij për të ndihmuar të tjerët”, “Ne kemi nevojë për më shumë njerëz si ai.”