Mërzia ‘mbyt’ shtëpinë! Xheneta me lot në sy teksa dëgjon këngën e Gjestit!

Gjesti është eliminuar mbrëmjen e kaluar nga edicioni i tretë i Big Brother VIP Kosova, duke i dhënë fund aventurës së tij në këtë format, që e kishte mbajtur shumë gjatë si një nga konkurrentët më të fortë. Largimi i tij erdhi pas një televotimi kokë me kokë me Drilonin, i cili u mundësua nga një avantazh që kishte Leonardo Gashi, kapiteni i javës.

Largimi i Gjestit ka prekur thellë banorët e tjerë të shtëpisë, të cilët kishin krijuar lidhje të ngushta miqësore me të. Gjatë një momenti në oborr, banorët e shtëpisë dëgjuan disa nga këngët më të njohura të Gjestit. Ndërkohë, Xheneta, një nga konkurrentet më të afërta me Gjestin, nuk mundi të mbajë emocionet dhe filloi të qante, duke u dukur e mërzitur dhe e trishtuar për largimin e tij.