Largohen nga fusha të dëmtuar, probleme për Gjimshitin dhe Ismajlin (VIDEO)

Probleme për Berat Gjimshitin dhe Ardjan Ismajlin, me dy mbrojtësit e kombëtares që kanë pësuar dëmtime me skuadrat respektive.

Gjimshiti është dëmtuar në ndeshjen që Atalanta luajti në transfertën e Udines, këtë të shtunë pasdite. Në këto kushte, ai u largua nga fusha në minutën e 24-të, me trajnerin Gasperini që aktivizioi Hien. Për të kuptuar më shumë rreth situatës së Gjimshitit, klubi është në pritje të analizave mjekësore, të cilat do të kryhen në ditët në vijim.

Sa i takon Ardjan Ismajlit, mbrojtësi luajti vetëm 21 minuta në ndeshjen mes Empolit dhe Leçes, pasi nuk mund të vazhdonte më. Ky dëmtim për të vjen pikërisht atëherë kur nuk duhej, me shumë klube të Serie A dhe jo vetëm që kërkojnë të blejnë kartonin e tij.

(J.S/)