Guardiola “xhindoset” me fansat: Mos hajdeni më këtu për autografe, shkoni në shkollë, mos humbni më kohë (VIDEO)
Pep Guardiola, trajneri i Manchester City, ka shpërthyer në një fjalim të ashpër kundër atyre që kërkojnë autografe nga sportistët dhe personazhet e njohur, për t’i shitur pastaj dhe për të fituar para.
Videoja që tregon këtë moment është bërë “virale”, duke tërhequr vëmendjen e shumë personave, pasi Guardiola ka dhënë një mësim të fuqishëm për të rinjtë e dhënë pas këtij “truku”.
“Njëherë e mirë, mos vini më këtu, nuk do të nënshkruaj më asgjë. I njoh fytyrat tuaja. Shkoni në shkollë dhe përgatituni, jeni të rinj, mos e humbni kohën tuaj këtu, – ishin fjalët e ashpra të trajnerit katalanas. –
A doni ta jetoni jetën tuaj duke bërë këtë? Vërtet doni ta kaloni gjithë jetën tuaj duke bërë këtë? Përgatituni më mirë, më mirë përgatituni. Cilat janë ëndrrat tuaja? Punoni më shumë!” Guardiola shprehu gjithashtu shqetësimin e tij për mundësinë që këta individë të kalojnë kohën duke kërkuar autografe në vend që të fokusohen në zhvillimin e aftësive dhe përgatitjen për të ardhmen.
Pep Guardiola telling autograph hunters to stop coming back and live your lives is superb 👏 pic.twitter.com/vuQnGAixBf
— george (@StokeyyG2) January 12, 2025
