Vota e diasporës/ Drejtuesit politik të PS mblidhen në selinë rozë, porositë dhe detyrat për ta

Këtë të hënë në selinë e PS janë mbledhur drejtuesit politikë, ku në fokus do të jetë vota e diasporës.

Gazetari Ergys Gjencaj thotë se Rama nuk është i pranishëm, por prezent janë drejtuesit politik për Tiranën.

“Kryeministri Rama nuk është në selinë e PS. Në seli është drejtuesja politike për Tiranën Elisa Spiropali, Taulant Balla, Ulsi Manja, Arbjan Mazniku. Drejtuesit e tjerë janë të mbledhur online. Më 11 janar është hapur zyrtarisht platforma online, ku qytetarët shqiptarë në diasporë mund të regjistrohen dhe të votojnë në zgjedhjet e 11 majit.

Disa politikanë nga PS kanë qenë fizikisht në Greqi e në Itali. Në këtë mbledhje po jepen detyra, për të forcuar angazhimin për votën e diasporës. Deri tani janë mbi 7000 aplikime për të votuar nga diaspora. Këto mbledhje pritet që të jenë të shpeshta, pasi PS i jep rëndësi diasporës”, tha Gjencaj për News24.