Giro d’Italia 2025 nis nga Shqipëria, Rama ndan videokartolinën nga prezantimi i garës: Vendi ynë do ndiqet nga 200 televizione të botës me afro 800 mln shikues

Kryeministri Edi Rama, ka ndarë një videokartolinë nga prezantimi i tij i djeshëm në Romë i Giro d’Italia, e cila për këtë vit do të ketë si pikënisje Shqipërinë.

Videokartolina, e shpërndarë në rrjetet sociale të Ramës, me këngën italiane Supereroi të Mr.Rain, ka ndarë disa nga momentet e kryeministrit në Romë.

Krahas videos, Rama shkruan se kjo garë vjetore italiane e cila do të nisë nga vendi ynë, do të ndiqet nga 200 televizione botërore, me afro 200 milionë shikues.

Një ditë më parë (13 janar), Rama u shpreh se me nisjes e Giro d’Italia në Shqipëri, vendi ynë do të promovohet më tej për nga spektri i turizmit.

Postimi i plotë:

MIRËMËNGJES

dhe me këtë videokartolinë nga Roma, ku Shqipëria u prezantua si destinacioni i sivjetëm i Nisjes së Madhe të Giro d’Italia, që do të ndiqet nga 200 televizione të botës e afro 800 milionë shikues, ju uroj një ditë të mbarë