Ministria e Arsimit shpall datat: Ja kur do të mbahen provimet e Maturës Shtetërore 2025
Ministrja e Arsimit dhe e Sportit, Ogerta Manastirliu ka publikuar datat e provimeve të Maturës Shtetërore për vitin 2025 për nxënësit që ndjekin arsimin e përgjithshëm dhe atë profesional.
Organizimi dhe zhvillimi i provimit të Gjuhës së Huaj do zhvillohet më 3 qershor, Gjuha Shqipe dhe Letërsia më 10 qershor, Matematika 17 qershor dhe prvimi me zgjedhje me 24 qershor.
3 qershor: Gjuha e Huaj
10 qershor: Gjuha Shqipe dhe Letërsia
17 qershor: Matematika
24 qershor: Provimi me Zgjedhje
“Provimi me zgjedhje ofron një gamë të gjerë lëndësh, duke përfshirë:
Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji dhe Ekonomia dhe Artet: Ekonomi, Histori Arti, Histori Muzike, Histori Baleti”, shkruan ministrja.
Të gjitha provimet do të fillojnë në orën 10:00 dhe do të zgjasin 2 orë e 30 minuta. Për orientimin dhe përgatitjen e maturantëve, testet model për provimet e ardhshme janë shpërndarë shumë më herët në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.
Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), duke siguruar standardet më të larta të transparencës dhe korrektësisë.
