NBA/ Lakers zhgënjen sërish, humbje surprizuese për Golden State
Të hënën në mbrëmje u zhvilluan ndeshjet e radhës në basketbollin amerikan, teksa lajmi poztiive ishte rikthimi i ndeshjeve në Los Angeles, me Lakers dhe Clipers që zhvilluan ndeshjet e tyre të radhës në shtëpi, pas emergjencës së zjarreve, që paralizoi Kaliforninë pak ditë më parë.
Megjithatë ekipi i Lakers zhgënjeu, teksa kalifornianët u mundën 126-102 në shtëpi nga San Antonio. Tri lojtarë të Spurs realizuan nga 23 pikë secili, duke i bërë të pavlefshme 30 pikët e Davis për vendasit.
Humbet edhe skuadra e Golden State, që u mund në mënyrë surprizuese 104-101 nga Toronto. Curry realizoi 26 pikë për miqtë por që s’mjaftuan, ndësa për kanadezët u dallua Barnes me 23 pikë.
Pa probleme fiton Minnesota, 120-106 ndaj Washington, sfidë ku Anthony Edwards e mbylli me 41 pikë.
Fiton skuadra tjetër e Los Anxhelosit, ajo e Clippers, që mundi 109-98 Miami Heat. Powell me 29 pikë e Harden me 26 pikë bënë diferencën në fushë për vendasit.
Fitore në sekondat e fundit për Houston, që mundi 120-118 Memphis, sfidë ku u dallua Jalen Green me 42 pikë.
