Bardhi ndan rrugët me Trabzonspor, klubi turk vlerëson kontributin e 29-vjeçarit

Enis Bardhi ndan rrugët me Trabzonspor. Klubi turk ka bërë të ditur lajmin, nëpërmjet një postimi në rrjetet sociale.

Trabzonspor, në shenjë mirënjohje për kontributin e dhënë, i dhuroi Bardhit një çmim.Lojtari me origjinë shqiptare, theksoi se gjatë qëndrimit në Trabzon është ndjerë si në shtëpinë e tij.

29-vjeçari ishte një shtyllë e rëndësishme për këtë skuadër, teksa për 3 sezone ka luajtur në kampionat më shumë se 70 ndeshje.  Me interes të madh pritet të shihet se ku do të transferohet Bardhi, me alternativat që janë të shumta.

(J.S/)