Vendimi për mbylljen e TikTok në SHBA, Donald Trump zbulon një nga opsionet si zgjidhje

Presidenti i sapozgjedhur Donald Trump, në një intervistë telefonike për NBC Neës, ka thënë se “me shumë gjasa” do t’i japë TikTok një afat 90-ditor, nga një ndalim i mundshëm në SHBA, pasi ai të marrë detyrën të hënën.

Trump tha se nuk kishte marrë një vendim përfundimtar, por po konsideronte një zgjatje 90-ditore të afatit të së dielës për kompaninë mëmë me bazë në Kinë të TikTok për t’ia shitur një blerësi jo-kinez ose do të përballej me një ndalim nga SHBA.

“Unë mendoj se ky do të ishte, sigurisht, një opsion që ne po e shikojmë. Zgjatja prej 90 ditësh është diçka që me shumë mundësi do të bëhet, sepse është e përshtatshme. Duhet ta shikojmë me kujdes”, tha Trump në intervistën telefonike.

Një zgjatje 90-ditore në kushte specifike lejohet shprehimisht në ligjin dypartiak të miratuar vitin e kaluar. Por një zgjatje e së hënës mund të mos jetë e mjaftueshme për të shmangur ndalimin e aplikacionit për të paktën një ditë, sepse afati aktual për pajtueshmërinë është e diela.

Fati i TikTok është një nga temat që ka konsumuar ditët e fundit të administratës së Bidenit dhe shumë prej miliona përdoruesve të aplikacionit në SHBA po presin me padurim një zgjidhje.